Communicaziuns a las medias
7. September 2023
Tschintgavel Di dal plurilinguissem
Ils 27 da settember 2023 ha lieu per la tschintgavla giada il «Di dal plurilinguissem» en il parlament – parallelamain cun ils Dis dal plurilinguissem da l’administraziun federala. La finamira da quest di è da promover il barat e la chapientscha tranter las differentas cuminanzas linguisticas e da mussar la ritgezza linguistica e culturala da la Svizra. Dapli
30. September 2022
In sguard enavos sin il quart «Di dal plurilinguissem» en il parlament
Numerusas parlamentarias e numerus parlamentaris han suandà l’appel a chaschun dal «Di dal plurilinguissem» en il parlament svizzer dals 29 da settember 202: ellas ed els èn s’exprimids en in’autra lingua naziunala che l’atgna ed han dà attenziun speziala al rumantsch ed al talian. Il di deditgà al plurilinguissem è vegnì inizià il 2019 da Helvetia Latina en collavuraziun cun las gruppas parlamentaras «Plurilinguitad CH», «ITALIANITÀ» e «Lingua e cultura rumantscha».
8. Juli 2022
Il Forum Helveticum ha ina nova directura
Dapi il 1. da fanadur 2022 è Andrea Kleinert la nova directura dal Forum Helveticum.
Andrea Kleinert ha studegià a l’Universitad da Turitg germanistica, scienza d’economia da manaschi e pedagogia. Silsuenter ha ella lavurà en differentas funcziuns a la Scola auta turitgaisa per scienzas applitgadas en il departament Linguistica applitgada ed en il departament Architectura, design ed inschigneria.
22. Mai 2022
Science fiction e plurilinguitad en il focus dal final da LINGUISSIMO
22 giuvnas e giuvens cun in dun da scriver da l’entira Svizra èn s’inscuntrads dals 21 fin ils 22 da matg 2022 ad Yverdon-les-Bains (VD) al final da l’occurrenza da linguas naziunala Linguissimo. Lur pensum: scriver in’istorgia da science fiction u da fantasia sur ils cunfins linguistics ora. Ina giuria d’auturas e d’auturs da la Svizra ha elegì las meglras ovras: sis victuras e victurs dals chantuns AG, GR, VD, VS, SZ e ZH gudognan in viadi cuminaivel en ina citad europeica. Linguissimo vegn organisà dapi il 2008 dal Forum Helveticum. Dapli
17. Mai 2022
Giuvenils sin ils fastizs da science fiction e da la plurilinguitad
25 giuvnas e giuvens cun in dun da scriver da l’entira Svizra s’inscuntran ad Yverdon-les-Bains (VD) a chaschun dal 14avel final da l’occurrenza da scriver naziunala Linguissimo. Trais dals giuvenils èn da chasa en il chantun Grischun. L’occurrenza organisada dal Forum Helveticum ha lieu dals 21 – 22 da matg 2022 en il museum Maison d’Ailleurs ed è deditgada als geners litterars science fiction e fantasia. L’inscunter stat era sut l’ensaina da la plurilinguitad. Da gudagnar datti in viadi en ina citad europeica u ad in’occurrenza culturala en Svizra. Dapli
28. März 2022
Teilrevision der Sprachenverordnung: Stellungnahme des Forum Helveticum
Das Forum Helveticum wurde am 17. Dezember 2021 vom Eidgenössischen Departement des Inneren (EDI) eingeladen, im Rahmen des Vernehmlassungsverfahrens zur Teilrevision der Sprachenverordnung (SpV) Stellung zu nehmen.
Im Interesse der Koordination haben verschiedene Verständigungsorganisationen – namentlich das Forum Helveticum, das Forum für die Zweisprachigkeit, das Forum per l’italiano in Svizzera, die Lia Rumantscha, die Parlamentarische Gruppe ITALIANITÀ und Pro Grigioni Italiano – im Rahmen des Vernehmlassungsverfahrens ihre Ansichten ausgetauscht. Das Forum Helveticum stellt seine Standpunkte auch weiteren interessierten Organisationen zur Verfügung, welche sich am Vernehmlassungsverfahren beteiligen. Dapli