Communicaziuns a las medias
6. Februar 2024
Nova cumposiziun e direcziun dal copresidi da la gruppa parlamentara «Plurilinguitad CH»
La gruppa parlamentara «Plurilinguitad CH» è vegnida constituida il 2015 da 15 parlamentaras e parlamentaris cun la finamira da coordinar l’engaschament per la plurilinguitad en Svizra. Dapi lura è la gruppa vegnida cuntinuadamain pli gronda (actualmain 38 commembras e commembers). Dapi la fundaziun è Hans Stöckli, anteriur represchentant dal chantun da Berna en il Cussegl dals chantuns, s’engaschà sco copresident directiv cun corp ed olma per la gruppa. Al cumenzament da la sessiun d’enviern 2023 ha cusseglier naziunal Martin Candinas surpiglià la batgetta.
Il copresidi da la gruppa consista da cusseglier naziunal Martin Candinas (copresident directiv; AdC, GR), cusseglier dals chantuns Hannes Germann (PPS, SH), cussegliera naziunala Anna Giacometti (PLD, GR) e cussegliera dals chantuns Maya Graf (PES, BL) che sa mettan a disposiziun per in’ulteriura legislatura e da las duas novas copresidentas cussegliera dals chantuns Mathilde Crevoisier Crelier (PS, JU) e cussegliera naziunala Céline Weber (PVL, VD).
Il secretariat vegn manà dal Forum Helveticum.
La communicaziun a las medias è disponibla qua.
28. September 2023
Sguard enavos sin il tschintgavel «Di dal plurilinguissem» en il parlament
Ils 27 da settember 2023 ha gì lieu il tschintgavel «Di dal plurilinguissem». La finamira da quest di èsi da motivar las parlamentarias ed ils parlamentaris da s’exprimer en in’autra lingua naziunala che lur atgna. Quel di aud’ins pia la diversitad linguistica tipica per la Svizra anc pli savens che usità en ils differents votums. En il rom d’ina occurrenza sur mezdi organisada da Helvetia Latina e da las gruppas parlamentaras «Plurilinguitad CH», «ITALIANITÀ» e «Lingua e cultura rumantscha» han las commembras ed ils commembers dal parlament quest onn gì la pussaivladad da s’infurmar davart ina retscha da purschidas en connex cun barats da classas da scola, tranter auter da l’agentura Movetia.
22. September 2023
Kulturbotschaft 2025-2028: Stellungnahme des Forum Helveticum
Das Forum Helveticum (FH) wurde am 9. Juni 2023 vom Eidgenössischen Departement des Innern (EDI) eingeladen, im Rahmen des Vernehmlassungsverfahrens zur Kulturbotschaft 2025–2028 Stellung zu nehmen.
Das FH begrüsst, dass der Bund auch künftig die «kulturelle Teilhabe», den «gesellschaftlichen Zusammenhalt» sowie «Kreation und Innovation» als zentrale Elemente und langfristige Wirkungsziele seiner Kulturpolitik betrachtet. Zudem schätzt das FH, dass die Mehrsprachigkeit als ein Wesensmerkmal der Schweiz und entsprechend die Erhaltung und Förderung der sprachlichen Vielfalt auch für die Förderperiode 2025–2028 als zentrale gemeinsame Aufgabe von Bund und Kantonen erachtet werden. Dapli
7. September 2023
Tschintgavel Di dal plurilinguissem
Ils 27 da settember 2023 ha lieu per la tschintgavla giada il «Di dal plurilinguissem» en il parlament – parallelamain cun ils Dis dal plurilinguissem da l‘administraziun federala. La finamira da quest di è da promover il barat e la chapientscha tranter las differentas cuminanzas linguisticas e da mussar la ritgezza linguistica e culturala da la Svizra. Dapli
30. September 2022
In sguard enavos sin il quart «Di dal plurilinguissem» en il parlament
Numerusas parlamentarias e numerus parlamentaris han suandà l’appel a chaschun dal «Di dal plurilinguissem» en il parlament svizzer dals 29 da settember 202: ellas ed els èn s’exprimids en in’autra lingua naziunala che l’atgna ed han dà attenziun speziala al rumantsch ed al talian. Il di deditgà al plurilinguissem è vegnì inizià il 2019 da Helvetia Latina en collavuraziun cun las gruppas parlamentaras «Plurilinguitad CH», «ITALIANITÀ» e «Lingua e cultura rumantscha».
8. Juli 2022
Il Forum Helveticum ha ina nova directura
Dapi il 1. da fanadur 2022 è Andrea Kleinert la nova directura dal Forum Helveticum.
Andrea Kleinert ha studegià a l’Universitad da Turitg germanistica, scienza d’economia da manaschi e pedagogia. Silsuenter ha ella lavurà en differentas funcziuns a la Scola auta turitgaisa per scienzas applitgadas en il departament Linguistica applitgada ed en il departament Architectura, design ed inschigneria.