30. September 2022
In sguard enavos sin il quart «Di dal plurilinguissem» en il parlament
Numerusas parlamentarias e numerus parlamentaris han suandà l’appel a chaschun dal «Di dal plurilinguissem» en il parlament svizzer dals 29 da settember 202: ellas ed els èn s’exprimids en in’autra lingua naziunala che l’atgna ed han dà attenziun speziala al rumantsch ed al talian. Il di deditgà al plurilinguissem è vegnì inizià il 2019 da Helvetia Latina en collavuraziun cun las gruppas parlamentaras «Plurilinguitad CH», «ITALIANITÀ» e «Lingua e cultura rumantscha».
A chaschun d’ina occurrenza sur mezdi hai dà discussiuns animadas davart il tema «Plurilinguitad vivida e promoziun dal plurilinguissem». Suenter inputs da Nicolas Pernet, directur RTR, Regula Mäder, presidenta da la facultad taliana dals gimnasis en il chantun da Berna, e Juniper Wyer, collavuratur scientific dal DFAE/EDA, direcziun per resursas, han represchentantas e represchentants da las partidas giuvnas preschentas (Giuventetgna liberala svizra, Giuvna Allianza dal Center, Giuvens socialists) discutà engaschadamain davart lur experientschas cun la plurilinguitad e preschentà lur giavischs. Tuttas e tuts èn stads perina ch’il plurilinguissem saja in tema impurtant che pretendia l’engaschament da mintgin, ma dovria er in sustegn concret pli accentuà tant da la politica sco era dal punct da vista finanzial. Ina pretensiun è l’introducziun d’in fond per translaziuns – al qual las giuvnas partidas pudessan avair access – per la translaziun da materialias d’infurmaziun politicas e per translaziuns simultanas en tut las linguas naziunalas. Quai cun l’intent dad animar la debatta politica sin il plaun naziunal. En pli ha la runda da discussiun suttastritgà la rolla centrala da la digitalisaziun en il rom da la promoziun da la plurilinguitad.
Impressiuns dal di:
Igl ei fascinont che la Svizra ha quater lungatgs naziunals. Igl impurtont ei che la giuventetgna da tut las parts dalla Svizra capeschi era egl avegnir in l’auter. La promoziun dil brat e dalla capientscha ei oz actuala pli che mai. Il di dil plurilinguissem gida da sensibilisar il parlament per quels aspects.
Martin Candinas, cusseglier naziunal e president da la gruppa parlamentara «Lingua e cultura rumantscha»
Il Parlamento dia il buon esempio: la Svizzera discuta e deliberi utilizzando la varietà delle lingue nazionali, la più grande risorsa di cui disponiamo.
Marco Romano, cusseglier naziunal e copresident da la gruppa parlamentara «ITALIANITÀ»
Rappresento l’unico Cantone trilingue della Svizzera, sono orgogliosa di appartenere alla Svizzera Italiana e sono molto felice di partecipare per la terza volta consecutiva alla Giornata del plurilinguismo.
Anna Giacometti, cussegliera naziunala e copresidenta da la gruppa parlamentara «ITALIANITÀ»
Cette Journée du plurilinguisme témoigne au cœur des autorités politiques suisses combien le plurilinguisme est une richesse pour la Suisse, une richesse qu’il convient de valoriser et de soutenir.
Laurent Wehrli, cusseglier naziunal e president da Helvetia Latina
Im Ständerat hat der Tag der Mehrsprachigkeit alle motiviert, auch in einer anderen als der eigenen Landessprache zu debattieren – und das hörte sich richtig schweizerisch an.
Hans Stöckli, cusseglier dals chantuns e president da la gruppa parlamentara «Plurilinguitad CH»
Commentaris