2. Juli 2026
Linguissimo a Burgdorf: «Scriver engaschà: fa udir tia vusch!»
Ils 6 e 7 da zercladur 2026 èn 23 giuvens talents da scriver da tut las parts da la Svizra sa scuntrads a Burgdorf al grond final da la concurrenza naziunala da scriver Linguissimo. En teams maschadads han els scrit texts engaschads en duas u pliras linguas e preschentà quellas ad ina giuria ed al public. Ina giuria d’expert:as da tut las quatter regiuns linguisticas ha tschernì las trais pli creativas ed inspirantas contribuziuns. Las set victuras derivan dals chantuns FR, GR, LU, TI, VD e ZH.
Ils texts da finalistas e finalists èn da chattar sülla pagina d’internet da Linguissimo.
L’occurrenza da scriver quadrilingua Linguissimo s’adressescha a giuvenils tranter 16 e 21 onns, en spezial a classas da scola dal stgalim secundar II. Per sa participar a l’occurrenza han ils giuvenils scrit dus texts en duas differentas linguas naziunalas. L’emprim text da l’ediziun da quest onn ha tractà il tema «Chattar ina via». Il segund text pli curt tematisescha ina experientscha persunala cun linguas estras u la plurilinguitad. Quest onn han passa 300 giuvenils da l’entira Svizra inoltrà lur texts.
Auturas ed auturs cun las pli creativas contribuziuns èn vegnids envidads d’ina giuria naziunala al final sut il motto «Scriver engaschà: fa udir tia vusch!» che ha gi lieu ils 6 e 7 da zercladur 2026 en l’albiert da giuventetgna a Burgdorf. Durant la fin d’emna dal final han Blake Eduardo Carreno (franzos), Sara Francesca Hermann (rumantsch), Marica Iannuzzi (talian) e Jovana Nikic (tudestg) introducì ils giuvenils cun lavuratoris en il scriver engaschà.
Silsuenter han las participantas ed ils participants scrit en tandems bi- u plurilings texts engaschads che èn vegnidas preschentadas a la giuria ed allas participantas ed als participants. Suenter las presentaziuns han la giuria gì l’incumbensa difficila da tscherner il trais tandems che han scrit las pli creativas ed inspirantas contribuziuns cun risguardar l’orginalitad e la qualitad formala dals texts.
Commentaris