28. September 2023
Exposiziun ambulanta «Helvetissems – spezialitads linguisticas» uss era per interpresas svizras!
Dapi il 2019 è l‚exposiziun ambulanta «Helvetissems – spezialitads linguisticas», realisada dal Centre Dürrenmatt a Neuchâtel en collavuraziun cun il Forum Helveticum e cun contribuziuns da differentas instituziuns, da viadi en Svizra.
Per iniziativa dal Forum da la bilinguitad e dal Forum Helveticum e grazia al sustegn finanzial da La Posta Svizra e da la Fundaziun da giubileum da Raiffeisen èsi stà pussaivel da producir ina segunda exposiziun pli cumpacta. Quella vegn ussa preschentada ad interpresas svizras che sa stentan da tematisar dumondas da la chapientscha e da la convivenza en Svizra e che vulan sensibilisar lur collavuraturas e collavuraturs sco era lur clientella per il tema plurilinguitad – er en il mintgadi d’ina interpresa.
Dals 27-9-2023–26-10-2023 l’exposiziun è vegnida mussada en la sedia principala da La Posta Svizra a Berna.
Interpresas che preschentassan gugent l’exposiziun e che giavischan in dossier d’infurmaziun pon s’annunziar tar: Andrea Kleinert, directura Forum Helveticum, info@forum-helveticum.ch
Cun sustegn da:
 |
 |
Commentaris