27. Oktober 2021
La nova ediziun 2021/2022 da LINGUISSIMO è lantschada!
La nova ediziun da la concurrenza svizra da las linguas LINGUISSIMO è lantschada! Questa giada vai per il tema «ramurs». Il motto da la concurrenza 2021/2022 envida da scriver texts che tractan ramurs ch’ans circumdeschan. Il mund tuna: dal schuschurar dal traffic d’autos en citad, il scalinar da las stgellas en champagna fin al tgular dal palantschieu en ina chasa veglia.
Classas dal stgalim secundar II e giuvenils tranter 16 e 21 onns pon chargiar si in text en la charta interactiva da la Svizra sut www.linguissimo.ch ed inoltrar in ulteriur text en in’autra lingua naziunala che tracta d’ina aventura cun pliras linguas.
Las auturas ed ils auturs da las 30 contribuziuns las pli originalas pon participar al final naziunal davart il tema «science fiction e fantasy», nua ch’ils giuvenils inscuntran auturas ed auturs svizzers ch’als introduceschan en lur tecnicas da scriver. Las participantas ed ils participants scrivan ensemen cun in giuvenil d’ina autra regiun linguistica ina curta istorgia da science fiction ubain da fantasy.
Ils trais megliers tandems bilings gudognan in viadi cuminaivel en ina metropola europeica u ad in’occurrenza culturala en Svizra. En pli datti da gudagnar 500 francs per la cassa da classa!
Ultim termin d’annunzia: ils 31 da schaner 2022
Ultim termin d’inoltrar las contribuziuns: ils 15 da favrer 2022
Ulteriuras infurmaziuns: www.linguissimo.ch
Commentaris