La furmaziun è il punct central da las dumondas linguisticas e culturalas en Svizra. Vus chattais qua infurmaziuns areguard la plurilinguitad e la chapientscha culturala en il sistem da furmaziun svizzer. La sutcategoria “Barats linguistics” infurmescha Vus davart las mesiras d’immersiun en il sectur scolastic e post-scolastic.
Furmaziun
9. September 2026
La nova ediziun 2027 da LINGUISSIMO è lantschada!
La pli nova ediziun da la concurrenza da scriver Linguissimo è lantschada! Gia per la 19avla giada envidain nus giuvenils tranter 16 e 21 onns da participar a la concurrenza plurilingua. Il motto da quest onn sa cloma «Inscunter».
7. Juli 2026
Linguissimo a Burgdorf: «Scriver engaschà: fa udir tia vusch!»
Ils 6 e 7 da zercladur 2026 èn 23 giuvens talents da scriver da tut las parts da la Svizra sa scuntrads a Burgdorf al grond final da la concurrenza naziunala da scriver Linguissimo. En teams maschadads han els scrit texts engaschads en duas u pliras linguas e preschentà quellas ad ina giuria ed al public. Ina giuria d’expert:as da tut las quatter regiuns linguisticas ha tschernì las trais pli creativas ed inspirantas contribuziuns. Las set victuras derivan dals chantuns FR, GR, LU, TI, VD e ZH.
Ils texts da finalistas e finalists èn da chattar sülla pagina d’internet da Linguissimo.
15. Oktober 2025
La nova ediziun 2026 da LINGUISSIMO è lantschada!
La pli nova ediziun da la concurrenza da scriver Linguissimo è lantschada! Gia per la 18avla giada envidain nus giuvenils tranter 16 e 21 onns da participar a la concurrenza plurilingua. Il motto da quest onn sa cloma «Chattar ina via».
9. September 2025
Info PluriCH n°42
Il fegl d’infurmaziun «Info PluriCH» dat ina survista da las actualitads en connex cun la plurilinguitad en Svizra. Quest document è vegnì creà aposta per las parlamentarias ed ils parlamentaris da l’Assamblea federala plenara.
Ediziun actuala: Info PluriCH n°42 – atun 2025
24. Juni 2025
Linguissimo a Delémont: in final plain poesia
Ils 14 e 15 da zercladur 2025 èn 27 giuvens talents da scriver da tut las parts da la Svizra sa scuntrads a Delémont al grond final da la concurrenza naziunala da scriver Linguissimo. En teams maschadads han els scrit poesias en duas u pliras linguas e preschentà quellas ad ina giuria ed al public. Ina giuria d’expert:as da tut las quatter regiuns linguisticas ha tschernì las trais pli creativas ed inspirantas contribuziuns. Las set victuras derivan dals chantuns BE, FR, GR, TI e VD.
Ils texts da finalistas e finalists èn da chattar sülla pagina d’internet da Linguissimo.
29. Mai 2025
Info PluriCH n°41
Il fegl d’infurmaziun «Info PluriCH» dat ina survista da las actualitads en connex cun la plurilinguitad en Svizra. Quest document è vegnì creà aposta per las parlamentarias ed ils parlamentaris da l’Assamblea federala plenara.
Ediziun actuala: Info PluriCH n°41 – stad 2025