Communicaziuns a las medias
18. September 2019
Missiva da cultura 2021-2024 – Posiziun communabla
Las pli impurtantas organisaziuns svizras activas sin il sectur da las linguas e da la chapientscha beneventan la cuntinuitad che la nova missiva da cultura 2021-2024 propona ed approvan l’impurtanza ch’ella attribuescha a la coesiun sociala ed al barat linguistic. Ellas pretendan dapli acziuns transversalas e differentas mesiras da sensibilisaziun per promover ina vista positiva sin la plurilinguitad svizra.
23. August 2019
In Memoriam
Das Forum Helveticum erinnert sich mit Dankbarkeit an seinen ehemaligen Präsidenten
Walter Buser, alt Bundeskanzler
1926-2019
Walter Buser wurde 1993 zum Präsidenten des Forum Helveticum gewählt und stand dem Verein bis 2001 mit grossem Engagement vor. Dank seiner starken, kommunikativen Persönlichkeit und vielseitigen Erfahrung hat er die Aktivitäten des Forum Helveticum zugunsten des nationalen Zusammenhalts und der sprachkulturellen Verständigung nachhaltig geprägt.
Unser tiefes Mitgefühl gilt seinen Hinterbliebenen.
In Namen des Forum Helveticum:
Corina Casanova, Präsidentin und alt Bundeskanzlerin
12. Mai 2019
Giuventetgna, poesia e plurilinguitad gudognan a Cuira
Les gagnants / Die Gewinner / I vincitori / Ils victurs: Joël Biland (FR), Prisca Degli Antoni, Cheyenne Gut (TG), Marie Christinet (VD), Saiorse Krähenmann (TG), Daria Joos (GR)
Durant l’indeschavel final da Linguissimo, che ha gì lieu ils 11 e 12 da matg 2019 a Cuira, èn var trenta giuvenils da l’entira Svizra s’inscuntrads per scriver poesias sur ils cunfins linguistics ora. Questa ediziun da la concurrenza linguistica naziunala ch’il Forum Helveticum organisescha mintg’onn han gudagnà ina Tessinaisa, in Friburgais, ina Vadaisa, ina Grischuna e duas Turgovianas. Els èn ils auturs dals trais megliers texts ch’èn vegnids scrits en gruppas plurilinguas da dus e da trais. Els gudognan in viadi communabel en ina citad europeica. Dapli
6. Mai 2019
Il final naziunal da Linguissimo a Cuira daventa poetic!
L’indeschavel final da la concurrenza naziunala da las linguas Linguissimo ha lieu ils 11 e 12 da matg 2019 en las localitads da la Lia Rumantscha a Cuira. L’occurrenza organisada mintg’onn dal Forum Helveticum envida trenta giuvenils da l’entira Svizra a surpassar ils cunfins linguistics ed a sa famigliarisar cun in gener litterar definì – quest onn cun la poesia. Gudagnar pon els in viadi en ina citad europeica. Dapli
23. Januar 2019
Concurrenza svizra da las linguas LINGUISSIMO 2018/2019: ultims dis per sa participar!
L’ultim termin d’annunzia per l’indeschavla ediziun da la concurrenza svizra da las linguas Linguissimo s’avischina. S’annunziar pon giuvenils e classas fin ils 31 da schaner 2019. Contribuziuns pon ins inoltrar fin ils 15 da favrer 2019. Dapli
29. November 2018
Futur digital da la plurilinguitad en Svizra e sustegn da dus projects innovativs per il giubileum da 50 onns dal Forum Helveticum
A chaschun da ses 50avel anniversari ha il Forum Helveticum, il forum per la chapientscha linguistica e culturala, reunì passa tschient persunas per discutar cun ellas davart la digitalisaziun da la plurilinguitad. Questa occurrenza cun il titel «Plurilinguitad 4.0» ha gì lieu ils 23 e 24 da november 2018 a Turitg. Suenter ina conferenza davart il potenzial da la translaziun automatica e ses effects per la Svizra, ha l’emprim hackaton svizzer deditgà a quest tema permess da sviluppar entaifer 24 uras diesch projects innovativs en il sectur da la chapientscha e da la plurilinguitad. Il Forum Helveticum vegn a sustegnair il svilup da dus da quests projects. Dapli