Plurilinguitad 4.0 – 23-24 da november 2018 – Turitg
L’uniun Forum Helveticum (FH) festivescha l’onn 2018 ses giubileum da 50 onns. Nus vulain prender la chaschun dad intercurir e promover l’avegnir da la plurilinguitad e chapientscha en Svizra. La quarta revoluziun industriala, cun auters pleds la transfurmaziun digitala, influenzescha nossa societad en tut ils secturs, cunzunt en la communicaziun. Tge effects ha la digitalisaziun sin las cumpetenzas linguisticas? Co vegnan las novas tecnologias ad influenzar la chapientscha tranter las cuminanzas linguisticas? E co pudain nus trair a niz ellas per rinforzar la chapientscha en Svizra? Il FH s’occupa da questas dumondas en dus formats che cumpletteschan in l’auter: en ina conferenza e cun in hackathon.
| Occurrenza | Plurilinguitad 4.0 – la conferenza | Plurilinguitad 4.0 – il hackathon |
| Cura |
23 da november 2018 |
dals 23 da november 2018, 14.00 |
| Nua | Auditorium Careum, Pestalozzistrasse 11, 8032 Turitg | Auditorium Careum, Pestalozzistrasse 11, 8032 Turitg |
| Tge |
La conferenza «Plurilinguitad 4.0» preschenta ils instruments e projects actuals e futurs decisivs per la communicaziun plurilingua en tut il mund (p.ex. Google Assistant, Deepl) ed ulteriurs sistems da translaziun che sa basan sin l’intelligenza artifiziala. I dat ina discussiun davart las schanzas e las ristgas da tals instruments per la chapientscha linguistic-culturala e davart las consequenzas per la Svizra. (furmaziun, coesiun e.u.v.). |
Il hackathon en connex cun «Plurilinguitad 4.0» reunescha las cumpetenzas da linguists, sviluppaders, designers, interprendiders, analists da datas ed ulteriuras expertas ed experts. La finamira è da sviluppar a basa d’ina paletta multifara da process e tecnicas d’innovaziun novas soluziuns per differentas sfidas da la chapientscha linguistica e culturala en Svizra. Ils megliers projects vegnan premiads e sustegnids a moda persistenta (coaching).Tut ils interessads èn envidads da sa participar. Instituziuns ed interpresas pon proponer sfidas concretas. |
| Programm | Program da la conferenza | Program dal hackathon |
| Anmeldung | Annunzia conferenza | Annunzia hackathon |
Cun sustegn da:
