23. Januar 2019
Concurrenza svizra da las linguas LINGUISSIMO 2018/2019: ultims dis per sa participar!
L’ultim termin d’annunzia per l’indeschavla ediziun da la concurrenza svizra da las linguas Linguissimo s’avischina. S’annunziar pon giuvenils e classas fin ils 31 da schaner 2019. Contribuziuns pon ins inoltrar fin ils 15 da favrer 2019.
Ils giuvenils tranter 16 e 21 onns e las classas dal stgalim secundar II èn dumandads d’inoltrar contribuziuns per la charta svizra interactiva da Linguissimo. La charta cumplettada cun texts e maletgs duai esser in’ovra communabla da giuvenils da tut las regiuns linguisticas da la Svizra. Ella duai star a disposiziun a tut quels che vulan emprender d’enconuscher la Svizra da la perspectiva da la giuventetgna svizra.
Las meglras contribuziuns vegnan remuneradas:
- la participaziun al final da dus dis a Cuira tar la Lia Rumantscha
- in viadi en ina metropola europeica per ils victurs dal final
- tranter tut las classas che participeschan tirain nus la sort per CHF 500.– per la cassa da classa
La concurrenza Linguissimo vegn organisada dapi il 2008 dal Forum Helveticum, l’organisaziun per la chapientscha linguistica e culturala en Svizra, e da ses partenaris. L’ultim termin d’annunzia è ils 31 da schaner 2019. Las infurmaziuns en connex cun la participaziun sco era Indicaziuns didacticas per las persunas d’instrucziun chatt’ins en las quatter linguas naziunalas sin la pagina-web www.linguissimo.ch.
Infurmaziuns a las medias:
Christine Matthey, directura Forum Helveticum, info@linguissimo.ch ubain t 062 888 01 25.
Link medias: http://linguissimo.ch/ch/medias-2/
Cun sustegn da: 
Commentaris