24. September 2020
Ina nova publicaziun: in cudesch plain umor en tut las quatter linguas naziunalas
In cudesch, tut las quatter linguas naziunalas: «Ün viadi e 4 servezzans» cumpareglia a moda umoristica las expressiuns idiomaticas da nossas linguas naziunalas.
Probablamain è il cudesch in dals paucs cudeschs quadrilings en Svizra, en tut las quatter linguas naziunalas: «Ün viadi e 4 servezzans – 4 piccioni con una fava – D’une pierre 4 coups – 4 Fliegen mit einer Klappe», concepì da Nicole Bandion. La publicaziun cumpareglia a moda umoristica las expressiuns idiomaticas da nossas linguas naziunalas.
Il project «Ün viadi e 4 servezzans», naschì en la Svizra taliana e realisà grazia a las cumpetenzas multifaras da differents partenaris da l’entira Svizra, porscha in lieu d’inscunter per lingua e cultura per las regiuns linguisticas da noss pajais.
Il project na cumpiglia betg mo in cudesch cun cumparegliaziuns da locuziuns en las quatter linguas naziunalas, mabain era material didactic per las scolas (fegls da lavur per l’instrucziun da talian) e cuntegns interactivs per in public general.
Sin la homepage chattais Vus er ina part exclusivamain rumantscha cun las locuziuns dal cudesch, registradas da collavuraturs da Radiotelevisiun Svizra Rumantscha (RTR). Bun divertiment cun empruvar da pronunziar las locuziuns en in auter idiom che l’agen!
Commentaris
Le Pape Racine, Christine am 24. September 2020, 16:09
Ich gratuliere Nicole Bandion herzlich zur Erscheinung des Buches, das am 25-jährigen Jubiläum der APEPS (Arbeitsgemeinschaft zur Förderung des mehrsprachigen Unterrichts in der Schweiz) an der PH BEJUNE in Biel, im November 2019 von ihr und Vincenzo Todisco vorgestellt wurde und allseitig gefallen hat.
Christine Le Pape Racine, Ex-Präsidentin der APEPS