---

Associaziun svizra da las magistras e dals magisters da tudestg vsdl

La ASMT è l‘associaziun rofessiunala per il rom da tudestg a tut las scolas medias da la Svizra. Ella furma ensemmen cun las autras uniuns professiunalas e las uniuns chantunalas da magistras e magisters da las scolas gimnasialas la ASMG (Associaziun svizra dals las magistras e dals magisters gimnasials) ed ha momentanamain 334 commembras.
Il scopo da l’associaziun è da colliar las persunas d’intrucziun dal rom tudestg a las scolas medias e da metter a disposiziun infurmaziuns che pudessan esser d’interess per magistras e magisters da tudestg.

La publicaziun «Deutschblätter» cumpara davent dals 2011 ina giada l’onn e sa focusescha sin in tema actual e relevant per persunas d’instrucziun da tudestg. Sa basand sin il studi EVAMAR-II ha l’ultima ediziun da l’onn 2011 sa deditgà al tudestg sco lingua primara en il champ da tensiun tranter il gimnasi e la scola auta. Experts da omadus stgalims da furmaziun han s’exprimì en furma controversa. La pagina d’internet porscha adina puspè novs impuls per l’instrucziun u reflexiuns davart parts dal champ d’instrucziun, ella è ina plattafurma per dumondas da la politica d’educaziun, ella preschenta ina survista da las purschidas da curs da perfecziunament e fa attent a novas publicaziuns didacticas. Ultra da quai pon ins chattar ina glista d’occurrenzas literaras da muntada surregiunala ed ina roscha links sin autras paginas infurmativas. La newsletter cumpara quatter giadas ad onn ed infurmescha davart las actualitads en ils champs suranumnads.

La suprastanza represchenta l’uniun a conferenzas e congress en il sectur da la politica d’educaziun, sco dacurt en il team d’expertAs SEK II per il plan d’instrucziun 21 u a la conferenza «Übergang Gymnasium-Universität» sin il Monte Verità. InA commebrA da la suprastanza organisescha ils curs da perfecziunament en il rom da la WBZ (Center svizzer per il perfecziunament dals magisters da scola media).

Publicaziuns
Deutschblätter 2011. Grossgeschrieben und kleiner geredet? Erstsprache Deutsch im Spannungsfeld zwischen Gymnasium und Hochschule. Weinfelden 2011.

Deutschblätter 2012. Erlebnis oder Methode? SOL im Deutschunterricht. Weinfelden 2012.

Deutschblätter 2013. Kulturelles Kapital und kritisches Potential. Die Bedeutung des Literaturunterrichts am Gymnasium. Weinfelden 2013.

Deutschblätter 2014. Shriebe und Schwetze im Dialekt. Die Sprachsituation in der heutigen Deutschschweiz. Weinfelden 2014.

Deutschblätter 2015. Bedingung oder Verengung? Basale fachliche Studierkompetenzen im gymnasialen Deutschunterricht. Weinfelden 2015.

---