3. Juni 2024
In final umoristic da LINGUISSIMO a Bellinzona
22 giuvnas e giuvens cun in dun da scriver da l’entira Svizra èn s’inscuntrads il 1. ed ils 2 da zercladur 2024 al final da l’occurrenza da scriver naziunala LINGUISSIMO a Bellinzona. Lur pensum: scriver e giugar ina scenetta bi- u plurilinga en tandems bilings. Ina giuria quadrilingua ha tschernì las trais scenettas las pli umoristicas e creativas. Sis victuras e victurs dals chantuns FR, SG e VD pon far la stad in viadi cuminaivel en Svizra. LINGUISSIMO vegn organisà dapi il 2008 dal Forum Helveticum.
Da las passa 200 inoltraziuns da participantas e participants tranter 16 e 21 onns una giuria naziunala ha tschernì las finalistas e ils finalists per la segunda runda. 22 giuvnas e giuvens cun in dun da scriver da l’entira Svizra èn s’inscuntrads il 1. ed ils 2 da zercladur 2024 al final da l’occurrenza da scriver naziunala Linguissimo a Bellinzona. Il tema era «Fa rir mai!». Cun lavuratoris durant la fin d’emna dal final han Blake Eduardo Carreno (franzos), Sara Francesca Hermann (rumantsch), Jovana Nikic (tudestg) e Noce Noseda (talian) introducì ils giuvenils en il mund da l’umor ed en spezial en il scriver umoristic. Silsuenter han las participantas ed ils participants scrit en tandems bilings scenettas bi- u plurilinguas ch’els han preschentà la dumengia a la giuria, a las autras participantas ed als auters participants ed schizunt a la televisiun.
La giuria ha gì l’incumbensa pretensiusa da tscherner las trais scenettas las pli legras e creativas. Las victuras ed ils victurs da l’ediziun 2024 derivan dals chantuns FR, SG e VD. Ellas ed els gudognan in viadi cuminaivel en la Svizra.
Dapli infurmaziuns: Communicaziun a las medias
Commentaris