20. Februar 2024
Gruppa parlamentara «Plurilinguitad CH»
Commembers
La gruppa parlamentara «plurilinguitad CH» dumbra 49 commembers da tut las direcziuns politicas e regiuns linguisticas. La glista dals commembers è disponibla online (per tudestg).
Finamira
La plurilinguitad svizra è ina dimensiun constituenta impurtanta dal stadi helvetic. Quest element prezius da la «naziun fundada sin la voluntad» metta las quatter linguas naziunalas en ina relaziun d’egualitad e segirescha uschia la coesiun da las differentas regiuns linguisticas entaifer la Confederaziun. Igl è damai necessari da tgirar questa caracteristica naziunala per mantegnair l’equiliber helvetic.
La finamira da la gruppa parlamentara «plurilinguitad CH»:
- porscher infurmaziuns cumpetentas davart las linguas en Svizra;
- promover la plurilinguitad en la debatta politica naziunala;
- collavurar cun las gruppas «Italianità» e «lingua e cultura rumantscha» e porscher ina plivalur cun la perspectiva da la plurilinguitad;
- organisar e coordinar occurrenzas davart la plurilinguitad en il parlament;
- metter a disposiziun en cas da basegn ina structura reactiva e coordinada.
Commentaris