5. Oktober 2016

Geschnetzeltes nach Zürcher art – Charn stagliada a la turitgaisa

https://blog.laterooms.com/2012/09/a-food-lovers-guide-to-zurich/

Recept da la Svizra Tudestga

Ingredienzas per 4 persunas
600 g charn stagliada da vadè (faschai bellinas a Voss mazler, per ch’el staglia la charn a maun)
300 g schampignuns frestgs
1 tschagula
2 tschaduns gronds ieli
2 dl vin alv
3 dl groma
mintgamai 20 g paintg e farina
paiver, sal
in zic peterschigl

L’emprim manizzain nus il peterschigl uschè fin sco pussaivel (quai è fitg impurtant, damai ch’el na po betg stracoier uschè ditg sco tar autras tratgas) e tagliain ils schampignuns en finas flettas. Cun il paintg e la farina faschain nus ina culla.

Alura stgaudain nus l’ieli en ina padella da brassar, fin ch’el cumenza a fimar levet e brassain la charn curtamain sin tut las varts. Metter tiers la tschagula ed ils schampignuns e brassar curtamain tut ensemen. Ussa derschain nus tiers il vin e la groma, cundin picantamain ed agiuntain la culla da paintg e farina. Suenter che la sosa ha buglì duas fin trais giadas, è ella liada bain.

Uss èsi mo anc da springir il peterschigl sur l’entira tratga e nus pudain servir nossa magnifica spezialitad turitgaisa.