September 23, 2021
In sguard enavos sin il terz «Di dal plurilinguissem» en il parlament
Plurilinguitad: lain ristgar! Numerusas parlamentarias e numerus parlamentaris han suandà oz quest appel a chaschun dal «Di dal plurilinguissem» en il parlament svizzer. Els èn s’exprimids en in’autra lingua naziunala che l’atgna ed han accentuà l’impurtanza da la communicaziun sur ils cunfins linguistics. A chaschun d’ina maisa radunda davart il plurilinguissem en l’administraziun federala èn vegnidas discutadas las schanzas e sfidas che quel porta.
Cun entusiassem èn las parlamentarias ed ils parlamentaris sa participads durant la sessiun d’atun al «Di dal plurilinguissem» dals 22 da settember 2021. Il di deditgà al plurilinguissem è vegnì inizià il 2019 da Helvetia Latina en collavuraziun cun las gruppas parlamentaras «Plurilinguitad CH», «ITALIANITÀ» e «Lingua e cultura rumantscha». Numerusas commembras e numerus commembers dal parlament èn s’exprimids èn in’autra lingua naziunala che l’atgna. Las linguas minoritaras rumantsch e talian han survegnì quel di attenziun speziala. Cun agid da nivlettas e sut ils hashtags #didalplurilinguissem #CHplurilingua èn vegnids postads en las medias socialas fotos e commentaris che illustreschan la diversitad da las quatter linguas naziunalas ed il plurilinguissem vivì en Svizra.
Funtauna foto: @damiencottier
Jorge Kühni, vicedirectur da l’Uffizi federal da persunal, Nicoletta Mariolini, delegada federala per la plurilinguitad, e prof. dr. Daniel Kübler, professur a l’Universitad da Turitg, han discutà, sa basond sin la publicaziun «Les langues du pouvoir (Las linguas da la pussanza)», davart las schanzas e las sfidas dal plurilinguissem en l’administraziun federala a chaschun da la maisa radunda organisada la saira.
Il Di dal plurilinguissem en Chasa federala è vegnì realisà en il rom dal Di europeic da las linguas dals 26 da settember e parallelamain cun ils dis dal plurilinguissem en l’administraziun federala (20-24 da settember 2021) – ulteriuras infurmaziuns sut www.plurilingua.admin.ch).
Impressiuns dal di:
Igl ei fascinont che la Svizra ha quater lungatgs naziunals. Igl impurtont ei denton che nus capîen era in l’auter. La promoziun dil brat e dalla capientscha ei oz actuala pli che mai. Il di dil plurilinguissem gida da sensibilisar il parlament per quels aspects.
Martin Candinas, Nationalrat und Präsident der parlamentarischen Gruppe «Lingua e cultura rumantscha»
Il Parlamento dà il buon esempio: la Svizzera discute e delibera utilizzando la varietà delle lingue nazionali, la più grande risorsa di cui disponiamo.
Marco Romano, Nationalrat und Co-Präsident der parlamentarischen Gruppe «ITALIANITÀ»
Come rappresentante dell’unico Cantone svizzero trilingue e copresidente dell’intergruppo parlamentare ITALIANITÀ, sono particolarmente fiera di aver partecipato alla Giornata del plurilinguismo 2021 a Palazzo federale.
Anna Giacometti, Nationalrätin und Co-Präsidentin der parlamentarischen Gruppe «ITALIANITÀ»
Quel bonheur d’entendre nos quatre langues nationales encore plus parlées au sein du Parlement en cette Journée du plurilinguisme. Une richesse pour tous les jours et pour toute la Suisse !
Laurent Wehrli, Nationalrat und Präsident Helvetia Latina
Noch nie wurde im Ständerat so viel in rätoromanischer und italienischer Sprache debattiert wie heute am Tag der Mehrsprachigkeit.
Hans Stöckli, Ständerat und Präsident der parlamentarischen Gruppe «Mehrsprachigkeit CH»
Comments