Der Verein Forum Helveticum (FH) feiert im Jahr 2018 sein 50-jähriges Bestehen. Aus diesem Anlass möchten wir die Zukunft der Schweizer Mehrsprachigkeit und Verständigung untersuchen und fördern.
Tag: Forum Helveticum
16. Dezember 2019
Publicaziuns da 50 onns Forum Helveticum èn ussa disponiblas online
Tut las publicaziuns da la collecziun dal Forum Helveticum e ses bulletins tematics èn ussa disponibels gratuitamain sin e-periodica, la plattafurma da las revistas svizras online. Quest project da digitalisaziun lantschà il 2018 en il rom dal giubileum da 50 onns dal Forum Helveticum ha pudì vegnir realisà grazia ad ina collavuraziun cun la Biblioteca naziunala svizra. Scuvri uss online la collecziun ed ils bulletins tematics!
23. Oktober 2019
Dschungla e teater sin il program da Linguissimo 2019/2020
La concurrenza da las linguas Linguissimo envida ils giuvenils da 16 fin 21 onns e las classas dal stgalim secundar II da sa barattar sur ils cunfins linguistics, e quai cun scriver. Per questa dudeschavla ediziun da la concurrenza concepeschan las participantas ed ils participants cun contribuziuns plurilinguas scrittas e multimedialas ina Svizra che sa referescha al chavazzin «dschungla». Las meglras contribuziuns gudognan:
- la participaziun al final da dus dis a Bellinzona
- in viadi en ina metropola europeica per ils victurs dal final
- tranter tut las classas che participeschan tirain nus la sort per CHF 500.– per la cassa da classa
29. November 2018
Futur digital da la plurilinguitad en Svizra e sustegn da dus projects innovativs per il giubileum da 50 onns dal Forum Helveticum
A chaschun da ses 50avel anniversari ha il Forum Helveticum, il forum per la chapientscha linguistica e culturala, reunì passa tschient persunas per discutar cun ellas davart la digitalisaziun da la plurilinguitad. Questa occurrenza cun il titel «Plurilinguitad 4.0» ha gì lieu ils 23 e 24 da november 2018 a Turitg. Suenter ina conferenza davart il potenzial da la translaziun automatica e ses effects per la Svizra, ha l’emprim hackaton svizzer deditgà a quest tema permess da sviluppar entaifer 24 uras diesch projects innovativs en il sectur da la chapientscha e da la plurilinguitad. Il Forum Helveticum vegn a sustegnair il svilup da dus da quests projects. Dapli
16. November 2018
50 onns Forum Helveticum : Plurilinguitad 4.0, 23 – 24 Nov. 2018, Turitg
L’uniun Forum Helveticum (FH) festivescha l’onn 2018 ses giubileum da 50 onns. Nus vulain prender la chaschun dad intercurir e promover l’avegnir da la plurilinguitad e chapientscha en Svizra.
Il FH s’occupa da questas dumondas en dus formats che cumpletteschan in l’auter: en ina conferenza e cun in hackathon. Il Forum Helveticum envida Vus a questa occurrenza da duas parts che sa deditgescha al futur da la plurilinguitad en ina Svizra digitalisada.
25. Januar 2017
Il Forum Helveticum redefinescha sia preschientscha online
Il Forum Helveticum sa legra da pudair preschentar a Vus gist al cumenzament dal 2017 la nova fatscha da la plattafurma per la chapientscha linguistica e culturala www.forum-helveticum.ch. Cun la nova structura chattais Vus ils cuntegns usitads (rait d’acturs; dossiers tematics; documents; actualitad) repartids a moda tematica e cronologica per facilitar la tschertga d’infurmaziuns. Dapli