---

Forum Helveticum - Il Forum per la chapientscha linguistica e culturala

Il Forum Helveticum (FH) è vegnì fundà l'onn 1968 sco lieu da la scuntrada e dal dialog. Sco center da cumpetenzas per la chapientscha linguistica e culturala promova el la chapientscha en la societad, la politica, l'economia e la cultura. 45 organisaziuns politicas, culturalas, confessiunalas, economicas e d'utilitad publica èn commembras dal FH.

Il FH ha realisà dapi il 1996 numerus projects da chapientscha ed ha surpiglià pli e pli l'incumbensa da coordinaziun, d'infurmaziun, da colliaziun e da cussegliaziun. Dapi il mars 2012 sa concentrescha il FH en il rom dal "Forum per la chapientscha linguistica e culturala" sin las activitads che pertutgan la chapientscha linguistica e culturala.

En quest context surpiglia el quatter incumbensas principalas ed offra las suandantas prestaziuns: 1. observaziun e monitoring, 2. infurmaziun e cussegliaziun, 3. colliaziun e coordinaziun, 4. elavuraziun da mesiras concretas. Il punct 4 cumpiglia posiziuns, lavur da sensibilisaziun, discussiuns al podium, retschertgas, campagnas, congress, publicaziuns e projects innovativs sco la concurrenza da linguas per giuvenils «Linguissimo». Il «Portal per la chapientscha linguistica e culturala» quadriling è in dals pli impurtants instruments da lavur.

Las ultimas activitads en la domena da las linguas e da la chapientscha

Activitads currentas: activitads en il rom dal «Forum per la chapientscha linguistica e culturala» (cfr. survart).

Da la fin dal 2008 enfin la mesadad dal 2012: quatter realisaziuns da la concurrenza linguistica per giuvenils «Linguissimo» (fasa da pilot). La quarta realisaziun davart il tema «medias electronicas» ha ussa lieu (colliaziiun) * En collavuraziun cun uniuns da scolasts e da giuvenils

3-6-2010: dieta a Berna «Best practices für Schweizer Förderstiftungen im Bereich des Austausches zwischen den Sprachregionen» * En collavuraziun cun SwissFoundations

2004-2010: Discours Suisse: artitgel da pressa da las regiuns linguisticas areguard in tema naziunal (collaziun) * En collavuraziun cun l'Agentura telegrafica svizra ed il Netzwerk Müllerhaus

2004-2009: Parlez-vous suisse?: Cuminanza da lavur per la promoziun da la diversitad linguistica e per la chapientscha tranter las regiuns linguisticas * En collavuraziun cun la Fundaziun linguas e culturas e 13 ulteriuras organisaziuns

Las ultimas publicaziuns davart la tematica da las linguas e da la chapientscha

Las publicaziuns dal FH pon vegnir retratgas gratuitamain (per empustar
cliccar qua)

Collecziun 15, Paolo Barblan, Arnold Koller et al.,
Dialekt in der (Deutsch)Schweiz - Zwischen lokaler Identität und nationaler Kohäsion
* Lenzburg, 2005

Parlez-vous suisse?, Comano, 2004 * En collavuraziun cun la Fundaziun linguas e culturas e 13 ulteriuras organisaziuns

Collecziun 12, Paolo Barblan, Arnold Koller et al.,
Expo.02 und nationaler Zusammenhalt, Lenzburg, 2003

Collecziun 10, Paolo Barblan, Arnold Koller, Alexandra Strobel et al.,
Zwischen Rhein und Rhone – verbunden und doch getrennt?
* En collavuraziun cun il Museum naziunal svizzer, Lenzburg, 2002

 

---