Coscienza Svizzera

Coscienza Svizzera è ina gruppa da reflecziun che ha l’intenziun d’activar la sensibilitad envers las particularitads da la Svizra, envers sias ragischs istoricas e sia realitad odierna. Ella vul porscher ina contribuziun genuina vid la defensiun e la promoziun da las differentas identitads e culturas e dals differents linguatgs en il pajais.

Coscienza Svizzera cumpiglia oz circa 400 commembers. Sco unica represchentanta da las associaziuns civilas da la Svizra taliana è ella renconuschida dal cussegl federal ed è commember dal Forum Helveticum, l’organisaziun da tetg che reunescha las associaziuns civilas da l’entira Svizra.

Ella organisescha discussiuns e debattas publicas, referats, seminaris e dis da studi. Ella publitgescha quaderns e studis d’approfundaziun davart dumondas d’actualitad politica, economica, sociala e culturala. Ella promova l’infurmaziun civila cun ina documentaziun specifica e sa drizza ad in public fitg varià (gruppas d’opiniun, categorias socialas e professiunalas, scolas). Ella collavura cun autras associaziuns sin il plaun naziunal.