10. März 2021
Rumantsch – 25 onns lingua parzialmain uffiziala da la Confederaziun
IIls 10 da mars 1996 ha il pievel svizzer renconuschì il rumantsch sco lingua parzialmain uffiziala da la Confederaziun. Ella vegn francada en l’artitgel 70 da la Constituziun federala vertenta che di il suandant: «En il contact cun persunas da lingua rumantscha è er il rumantsch lingua uffiziala da la Confederaziun.»
Sin il di exact 25 onns suenter la votaziun dal 1996 lantscha l’administraziun federala, sut l’egida da la delegada federala per la plurilinguitad, ils 10 da mars ensemen cun la Lia Rumantscha ina campagna per sensibilisar sias collavuraturas e ses collavuraturs per la lingua e cultura rumantscha (ulteriuras infurmaziuns www.plurilingua.admin.ch).
La Lia Rumantscha pretenda in diever pli consequent dal rumantsch en il contact cun la populaziun rumantscha. Cun ina tschegnada illustrescha il clip «Scumandà da traversar ils binaris» (http://bit.ly/25onns) exemplaricamain ina negligientscha eclatanta dal rumantsch.
Communicaziun da la Lia Rumantscha a las medias.
Commentaris