4. März 2018
La diversitad e l’independenza da las medias vegnan mantegnidas
Lenzburg, ils 4 da mars 2018 – Il Forum Helveticum, il forum per la chapientscha linguistica e culturala, beneventa il fatg che la populaziun svizra è sa decidida da mantegnair ina purschida da medias multifara, solidarica ed independenta.
Cun la refusaziun da l’iniziativa No Billag han las burgaisas ed ils burgais svizzers segirà il mantegniment da cuntegns medials multifars e d’auta qualitad ed il princip da solidaritad tranter las cuminanzas culturalas e linguisticas. Quai è la basa per la coesiun naziunala en Svizra. Tant la Societad svizra da radio e televisiun (SSR) sco er ils emetturs locals pon cuntinuar lur incumbensa d’infurmaziun e realisar vinavant la producziun da cultura – e tegnair quint da las pretensiuns d’ina democrazia directa plurilingua da la Confederaziun svizra. Il Forum Helveticum sa legra che l’obligaziun da garantir qualitad, dad esser independenta e da represchentar ils interess regiunals resta francada en la Constituziun federala. Ils interess e giavischs da 28,4 % da las votantas e dals votants che sa sentivan fin ussa memia pauc pledentads da la cuntrada mediala ston vegnir resguardads pli fitg en l’ulteriur svilup dals cuntegns da maniera che tuts pon s’identifitgar cun la purschida dal service public.
Corina Casanova, presidenta, & Christine Matthey, directura
Forum Helveticum
Infurmaziuns a las medias:
Christine Matthey, directura Forum Helveticum, info@forum-helveticum.ch ubain t 062 888 01 25.
Commentaris