5. Oktober 2016

Omble Chevalier

http://www.helvetibox.ch/recette-omble-chevalier-a-genevoise/

Recept da la Svizra romanda

Ingredienzas per 4 persunas
4 salmelins da lai (mintgamai ca. 500 g)
2 tschaduns gronds paintg
2 tschagulas
1 piz dal cuntè sal
4 dl aua
2 dl vin alv da Genevra
Sosa:
60 g paintg
40 g farina
½ l bugl da pesch
3 mellens d’ov
2 tschaduns gronds vin alv
1 tschadun grond suc da citrona
4 tschaduns gronds groma

Salar ils peschs ed als metter en ina furma da gratinà. Brassar la tschagula tagliada fin en il paintg, fin ch’ella è mellen clera e la reparter sin ils peschs. Derscher tiers aua e vin alv. Metter la furma cuverta en il furnel stgaudà. A partir dal mument ch’il liquid buglia laschar ca. 10 minutas sin flomma pitschna. Derscher or il bugl da pesch ed al duvrar per la sosa. Tegnair chaud il pesch.

Luar il paintg per la sosa, agiuntar la farina, truschar bain e prender la padella giu da la platta. Sbuglientar cun ½ liter bugl da pesch e truschar. Metter la padella enavos sin la platta pir cura che tut è bain maschadà, laschar buglir la sosa e betg emblidar da truschar bain, uschia vegn la sosa fitg fina. Laschar coier 20 minutas sin flomma pitschna.

Truschar a stgima en il bogn d’aua il mellen d’ov, il vin alv, il suc da la citrona e la groma. Metter tut en la sosa e stgaudar, dentant betg far buglir anc ina giada.