5. Oktober 2016
Coniglio arrosto alla ticinese
http://www.chebonchebon.com/2013/04/25/coniglio-arrosto-al-forno/
Recept da la Svizra taliana
Ingredienzas per 4-5 persunas
In cunigl giuven, taglià en tocs
50 g quadrins da charnpiertg
2-3 fegls da salvgia frestgs
mintgamai in romin rosmarin e timian
2 ginaivras
sal e paiver
2 tschaduns gronds paintg culà
mintgamai in mez magiel vin alv ed aua
3-4 tschaduns gronds marsala
Cundir ils tocs da cunigl cun sal e paiver ed als metter ensemen cun ils quadrins da charnpiertg, las ginaivras e las ervas en ina casserola averta. Brassar circa ina mes’ura en il furnel bain stgaudà (ca. 220°) ed adina puspè derscher surengiu il paintg culà per che la surfatscha dals tocs na setgentia betg.
Maschadar il fond da la charn cun il vin ed in pau aua, metter si il viertgel e pargialar il cunigl in’ura. Ils tocs ston vegnir vulvids duas fin trais giadas e vegnir bagnads da temp en temp. A la fin derscher il marsala en la sosa e metter la charn anc ina giada per insaquantas minutas en furnel, questa giada però senza viertgel.
Servir cun pulenta u cun risot.
Publicaziuns sumegliantas:
28. September 2016
Plain in pigna
http://www.dastrueffelschwein.ch/2013/10/16/plain-in-pigna/
Recept da la Svizra romancia
5. Oktober 2016
Omble Chevalier
http://www.helvetibox.ch/recette-omble-chevalier-a-genevoise/
Recept da la Svizra romanda
5. Oktober 2016
Bündner Gerstensuppe
http://www.nicis-kochblog.ch/p/gerstensuppe.html
Rezept aus der Deutschschweiz
5. Oktober 2016
Aargauer Rüeblitorte
http://minhcakes.ch/2013/04/aargauer-rueblitorte-swiss-carrot-cake.html
Recept da la Svizra tudestga
Commentaris