5. Oktober 2016

Basler Mehlsuppe – Schuppa da farina da Basilea

http://www.morselsandsauces.com/2015/02/basler-mehlsuppe-swiss-carnival-soup.html

Recept da la Svizra Tudestga

Ingredienzas per 4 persunas
80 g farina
2 tschaduns gronds grass
1 ½ l broda da charn
chaschiel grattà

Laschar luar il grass en ina padella. Alura brassar la farina e la truschar trasor, fin ch’ella ha la colur da chastogna. Quai dovra bler pazienza ed er in pau inschign per che nagut n’ardia betg giu e per che la farina vegnia dapertut medem brina.

Suenter prender giu da la platta la padella e derscher tiers la broda da charn. Betg emblidar da truschar bain! Laschar coier la schuppa trais quarts d’ura fin in’ura sin flomma pitschna.

Il chaschiel vegn servì separadamain.

CATEGORIA: Gastronomia
TAGS: Recept
SCRIVER IN COMMENTARI