5. Oktober 2016

Appenzeller Chäsmaggarone

http://www.myswitzerland.com/fr-ch/cornettes-rustiques-et-compote-de-pommes.html

Recept da la Svizra tudestga

Ingredienzas per 4 persunas
4 tartuffels mesauns
250 g macaruns
1 tschadun grond sal
200 g «Appenzeller Rässkäse»
1 tschagula
ca. 50 g paintg

Tagliar ils tartuffels mundads en furma da pitschens pommes frites. Als metter en l’aua da sal buglienta, laschar coier 5 minutas, agiuntar ils macaruns e laschar coier, fin ch’ils tartuffels ed ils macaruns èn cotgs. Pli prudent èsi da laschar coier ils tartuffels ed il macaruns en duas differentas padellas, uschia na po nagut stracoier.

Laschar sguttar tuts dus e preparar en ina cuppa prestgaudada ils tartuffels ed ils macaruns en rasadas cun il chaschiel grattà groppamain. Brassar las tschagulas tagliadas en rintgs en il paintg, fin ch’ellas èn brin auradas e las reparter sur ils «Chäsmaggerone» finids.

Cuvrir la cuppa e la metter per insaquantas minutas en il furnel chaud, per ch’il chaschiel possia luar levamain.