Il Forum Helveticum, fundà il 1968 sco lieu d’inscunter e da dialog, s’engascha per la chapientscha linguistica e culturala tranter las differentas regiuns da la Svizra. Il forum è activ en ils secturs societad, politica, economia e cultura e surpiglia incumbensas d’infurmaziun, da cussegliaziun, da sensibilisaziun e da networking.
1. Dezember 2016
Reclama
La quadrilinguitad uffiziala da la Svizra procura da natira per ina stretga colliaziun tranter la reclama, las linguas e la chapientscha che gioga principalmain – però betg exclusivamain – ina rolla impurtanta en l’economia. Per interpresas che porschan products e servetschs en l’entira Svizra èn translaziuns resp. adattaziuns perfetgas dals texts da reclama d’ina impurtanza vitala mo gia per motivs da profit. Ma era las autoritads politicas u las partidas sin nivel naziunal ston pudair sa fidar che lur messadi cuntanschia las differentas regiuns linguisticas en in moda impeccabla e persvadenta.
1. Dezember 2016
Sport
Il sport vala savens, analog a la musica, sco ina lingua universala, in element integrativ ed in «chit social» en la societad, gea perfin sco in element che colliescha ils pievels e las uniuns da l’entir mund. A medem temp posseda el tras l’aspect da la concurrenza er il potenzial da svegliar la refusaziun ed il spretsch da «l’auter».
1. Dezember 2016
Partenadis da vischnancas
Partenadis da vischnancas e citads èn vegnids iniziads avant passa 60 onns sin nivel europeic. L’idea primara è stada da contribuir sin il stgalim communal a la reconciliaziun en l’Europa suenter ils eveniments terribels da la Segunda Guerra mundiala. Dapi lura datti er en Svizra regularmain novs partenadis, sin nivel naziunal ed internaziunal, principalmain per enritgir ils contacts culturals ed umans. Per part vegnan era resguardads interess economics, per part vegnan tgiradas las relaziuns en il rom dad activitads da padrinadi.
1. Dezember 2016
Economia
In tratg caracteristic impurtant da la structura da la populaziun e dals cunfins politics en Svizra èn ils uscheditgs «cross-cutting cleavages» (spartiziuns che sa cruschan), sco p. ex. las spartiziuns linguisticas e quellas confessiunalas, la differenza tranter la citad e la champagna e la differenza economica. Noss Dossier „Economia“ en PDF.
1. Dezember 2016
Medias
En general attribueschan las medias electronicas e stampadas en Svizra ina gronda impurtanza a la dumonda da la chapientscha e giogan ina rolla centrala en la furmaziun da l’opiniun. Tant instituziuns regiunalas sco naziunalas e plurilinguas, p.ex. la SRG SSR u l’Agentura da depeschas svizra, e correspundents che lavuran per medias electronicas u gasettas quotidianas en las regiuns linguisticas surpiglian ina funcziun impurtanta en quest connex. Noss Dossier „Medias“ en PDF.
1. Dezember 2016
Cultura
La cultura svizra vegn influenzada tranter auter da la plurilinguitad da l’agen pajais e dals pajais vischinants da medema lingua – spezialmain en las furmas d’expressiun ch’han da far cun la lingua. En quest vast champ tematic ans restrenschain nus a la repartiziun da las cumpetenzas en la promoziun da la cultura liada a la tematica da las linguas ed a singuls champs culturals, tar ils quals la dumonda da la chapientscha gioga ina rolla speziala u nua ch’i dat activitads da barat. Noss Dossier „Cultura“ en PDF.