Plurilinguitad 4.0 – Il hackathon
Contribuescha a l’avegnir da la diversitad linguistica da la Svizra!
Cun quest hackathon promova il Forum Helveticum en collavuraziun cun Opendata.ch l’avegnir da la plurilinguitad e chapientscha linguistica e culturala en Svizra: Co pudain nus trair a niz novas tecnologias per meglierar las cumpetenzas linguisticas en Svizra? Co pudain nus optimar e rinforzar la chapientscha tranter las cuminanzas linguisticas? Co pudain nus minimar eventuals effects negativs da novas tecnologias sin quest champ? Sajas da la partida ils 23 e 24 da november 2018 a Turitg e sviluppa ensemen cun nus soluziuns per talas sfidas.
ANNUNZIA HACKATHON (per tudestg, franzos u talian)
Tut las infurmaziuns:
– Dapli davart il hackathon – Incubaziun / premi
– Andament e lieu – Dumondas frequentas
– Pertge sa participar? – Instituziuns, interpresas & startups
– Ideas da project & resursas – Partenari: Opendata.ch
– Contact – Flyer
Dapli davart il hackathon
In hackathon reunescha persunas engaschadas en divers secturs per barattar ed empruvar ideas e per lantschar novs projects en in’atmosfera creativa e dinamica en il spiert da la cooperaziun.
Durant il hackathon «Plurilinguitad 4.0» contribueschan linguists, sviluppaders, designers, interprendiders, analists da datas ed ulteriurs experts lur cumpetenzas a la promoziun da la chapientscha linguistica e culturala en Svizra. Sco impuls preschentan instituziuns e persunas da la politica, da la societad civila, da startups, da scolas autas e da l’economia ideas per projects e sfidas en connex cun la plurilinguitad e la chapientscha. Las participantas ed ils participants sa decidan per ina da questas iniziativas ed elavuran durant 24 uras en in team multidisciplinar propostas per soluziuns e prototips.
Ils prototips e concepts finals vegnan preschentads a la fin dal hackathon e giuditgads d’ina giuria d’experts. Ils dus projects ils pli empermettents pon profitar d’in coaching, survegnan access ad ina rait cumpetenta e retschaivan in sustegn finanzial.
Andament & lieu
Program:
Venderdi, ils 23 da november 2018
14:00 retschaviment
14:30 preschentaziuns da las ideas da project & da las sfidas
16:00 svilup communabel d’in project
Sonda, ils 24 da november 2018
16:00 preschentaziun finala dals resultats
L’occurrenza ha lieu en l’Auditorium Careum, Pestalozzistrasse 11, 8032 Turitg.
I dat da mangiar e da baiver. Tgi che vul lavurar la notg, po tranteren ruassar sin canapés.
Ta lascha er inspirar da la conferenza davart il medem tema venderdi avantmezdi, ils 23 da november 2018 (9.00 – 14.00)!
Pertge sa participar?
- Engrondescha tia rait cun contacts prezius da la scena multifara ch’è da la partida.
- Elavura cun glieud che pensa sco ti projects che as stattan a cor.
- T’infurmescha davart novs svilups en la chapientscha linguistica e culturala.
- Preschenta in’idea per in project e motivescha ils experts da sviluppar vinavant quella cun vus.
Ideas per projects & resursas
Qua chattas ti ina survista da las ideas da project e da las sfidas gia inoltradas. Sche ti vuls er iniziar in tal project, pos ti ta registrar qua.
Plinavant chattas ti qua resursas avertas interessantas davart il tema da la chapientscha linguistica e culturala.
NB: las infurmaziuns da questa plattafurma stattan a disposiziun mo per tudestg, franzos e/u englais. Contactescha nus sche ti has dumondas!
Incubaziun / Premi
Ils prototips ed ils models vegnan preschentads a la fin dal hackathon e giuditgads d’ina giuria. Ils dus projects ils pli empermettents vegnan premiads cun in’incubaziun da 6 mais. Quai cumpiglia:
- contact cun instituziuns e partenaris relevants
- 10 uras da coaching specific tut tenor il basegn dal project
- in sustegn finanzial en la valur da CHF 2’000.-
Il victur vegn tschernì tenor ils suandants criteris:
- l’effect potenzial sin la chapientscha e/u sin il barat intercultural
- la forza innovativa
- la realisabladad
Dumondas frequentas
Dovrel jau in’idea per in project u in team per pudair ma participar?
Na, quai n’è betg necessari. A l’entschatta dal hackathon vegnan preschentadas differentas ideas per projects e las sfidas. Ti pos lavuvrar ensemen cun auters vi da quel project che inspirescha tai il pli fitg.
Stoss jau star là durant 24 uras?
Na, era quai n’è betg necessari. Impurtant è che ti contribueschias al success dal project che ti has tschernì e che ti e tes team as cunvegnias davart temps e plazs da lavur
Tge stoss jau purtar cun mai?
Il pli impurtant è tes laptop. Forsa dovras era material da far notizias ed in satg da durmir. Nus procurain en mintga cas per material sco palpiri, flipcharts, tatgaders ed era per insatge da mangiar e da baiver.
Instituziuns, interpresas & startups
Instituziuns ed interpresas èn cordialmain envidadas da sa participar. Ellas pon sustegnair l’occurrenza e profitar dad ella sco suonda:
– sponsurar il hackathon
– metter a disposiziun resursas relevants che pussibiliteschan novs potenzials e novas soluziuns
– preschentar in’idea da project u ina sfida per noss hackathon. Qua chattais ina survista da las ideas e sfidas gia inoltradas (per tudestg, franzos e englais).
Contactai nus p.pl.: info@forum-helveticum.ch
Partenari da project: Opendata.ch
Opendata.ch è in’uniun svizra che s’engascha per l’access liber a datas per promover la transparenza, l’innovaziun e l’effizienza. Opendata.ch è la secziun svizra dad Open Knowledge International e sviluppa posiziuns e projects ch’ella porta en las medias. Dapli infurmaziuns: www.opendata.ch
Contact
info@forum-helveticum.ch
T 062 888 01 25
ubain
Nikki Böhler, Opendata.ch
nikki.boehler@opendata.ch
T 079 137 68 45
Cun sustegn da:
