Il Forum Helveticum metta a disposiziun a Vus dossiers d’introducziun davart differents aspects da la societad ch’èn pertutgads directamain da la chapientscha culturala e linguistica.
Dossiers
1. Dezember 2016
Economia
In tratg caracteristic impurtant da la structura da la populaziun e dals cunfins politics en Svizra èn ils uscheditgs «cross-cutting cleavages» (spartiziuns che sa cruschan), sco p. ex. las spartiziuns linguisticas e quellas confessiunalas, la differenza tranter la citad e la champagna e la differenza economica. Noss Dossier „Economia“ en PDF.
1. Dezember 2016
Medias
En general attribueschan las medias electronicas e stampadas en Svizra ina gronda impurtanza a la dumonda da la chapientscha e giogan ina rolla centrala en la furmaziun da l’opiniun. Tant instituziuns regiunalas sco naziunalas e plurilinguas, p.ex. la SRG SSR u l’Agentura da depeschas svizra, e correspundents che lavuran per medias electronicas u gasettas quotidianas en las regiuns linguisticas surpiglian ina funcziun impurtanta en quest connex. Noss Dossier „Medias“ en PDF.
1. Dezember 2016
Cultura
La cultura svizra vegn influenzada tranter auter da la plurilinguitad da l’agen pajais e dals pajais vischinants da medema lingua – spezialmain en las furmas d’expressiun ch’han da far cun la lingua. En quest vast champ tematic ans restrenschain nus a la repartiziun da las cumpetenzas en la promoziun da la cultura liada a la tematica da las linguas ed a singuls champs culturals, tar ils quals la dumonda da la chapientscha gioga ina rolla speziala u nua ch’i dat activitads da barat. Noss Dossier „Cultura“ en PDF.
30. November 2016
Giuventetgna
La giuventetgna è ina gruppa visada da gronda impurtanza en connex cun la promoziun da la chapientscha vicendaivla tranter las regiuns linguisticas: En questa vegliadetgna ed en quest stadi dal svilup da la persunalitad emprendan ins linguas estras ed ins sa fatschenta er cun las sensibilitads e cun las caracteristicas da las autras regiuns linguisticas en Svizra resp. ins las scuvra per l’emprima giada. Noss Dossier „Giuventetgna“ en PDF.
30. November 2016
Finanziaziun
La promoziun da la plurilinguitad, da la chapientscha tranter las regiuns linguisticas e da la coesiun naziunala è ina gronda sfida, er a nivel finanzial. Noss Dossier „Finanziaziun“ en PDF.
19. November 2016
Chapientscha
La Svizra è quadrilingua, era sch’igl è enconuschent ch’ils Svizzers sezs n’èn betg quadrilings e ch’il dumber da quels che san communitgar en ina segunda lingua naziunala è relativamain modest. Noss Dossier „Chapientscha“ en PDF.