Communicaziuns a las medias
16. Dezember 2019
Publicaziuns da 50 onns Forum Helveticum èn ussa disponiblas online
Tut las publicaziuns da la collecziun dal Forum Helveticum e ses bulletins tematics èn ussa disponibels gratuitamain sin e-periodica, la plattafurma da las revistas svizras online. Quest project da digitalisaziun lantschà il 2018 en il rom dal giubileum da 50 onns dal Forum Helveticum ha pudì vegnir realisà grazia ad ina collavuraziun cun la Biblioteca naziunala svizra. Scuvri uss online la collecziun ed ils bulletins tematics!
23. Oktober 2019
Dschungla e teater sin il program da Linguissimo 2019/2020
La concurrenza da las linguas Linguissimo envida ils giuvenils da 16 fin 21 onns e las classas dal stgalim secundar II da sa barattar sur ils cunfins linguistics, e quai cun scriver. Per questa dudeschavla ediziun da la concurrenza concepeschan las participantas ed ils participants cun contribuziuns plurilinguas scrittas e multimedialas ina Svizra che sa referescha al chavazzin «dschungla». Las meglras contribuziuns gudognan:
- la participaziun al final da dus dis a Bellinzona
- in viadi en ina metropola europeica per ils victurs dal final
- tranter tut las classas che participeschan tirain nus la sort per CHF 500.– per la cassa da classa
27. September 2019
Bilantscha positiva per l’emprim «Di dal plurilinguissem» en il Parlament federal ed en l’administraziun federala
Ier ha gì lieu l’emprim «Di dal plurilinguissem» en il Parlament federal ed en l’administraziun federala. Durant quel di che ha gì la finamira d’invertir la «paisa da las linguas» èn numerusas commembras e numerus commembers dal Parlament federal e collavuraturas e collavuraturs da l’administraziun federala s’exprimids en ina lingua naziunala svizra che n’è betg lur atgna.
Communicaziun a las medias: Bilantscha positiva – Di dal plurilinguissem
23. September 2019
L’emprim «Di dal plurilinguissem» en il Parlament federal ed en l’administraziun federala
L’emprim «Di dal plurilinguissem» en il Parlament federal ed en l’administraziun federala ha lieu gievgia, ils 26 da settember 2019. Durant quel di s’expriman las emploiadas ed ils emploiads da l’administraziun federala e las commembras ed ils commembers dal Parlament federal en ina lingua naziunala svizra che n’è betg lur lingua materna.
Communicaziun a las medias – Di dal plurilinguissem
19. September 2019
Message Culture 2021-2024: Prise de position du Forum Helveticum
Sur invitation du Conseil fédéral, le Forum Helveticum a participé à la procédure de consultation concernant le Message Culture 2021-2024. La prise de position du Forum Helveticum est disponible ici en français.
A lire également: la prise de position commune des principales organisations actives dans le domaine des langues et de la compréhension en Suisse (disponible en quatre langues: français, allemand, italien et romanche).
18. September 2019
Missiva da cultura 2021-2024 – Posiziun communabla
Las pli impurtantas organisaziuns svizras activas sin il sectur da las linguas e da la chapientscha beneventan la cuntinuitad che la nova missiva da cultura 2021-2024 propona ed approvan l’impurtanza ch’ella attribuescha a la coesiun sociala ed al barat linguistic. Ellas pretendan dapli acziuns transversalas e differentas mesiras da sensibilisaziun per promover ina vista positiva sin la plurilinguitad svizra.