24. November 2020
La nova ediziun 2020/2021 da las LINGUISSIMO è lantschada
![Linguissimo 2021](https://forum-helveticum.ch/wp-content/uploads/2020/11/Linguissimo2021_Portes-700x366.jpg)
La nova ediziun da la concurrenza svizra da las linguas LINGUISSIMO è lantschada! Questa giada vai per il tema «Portas».
Classas dal stgalim secundar II e giuvenils tranter 16 e 21 onns pon chargiar si in text en la charta interactiva da la Svizra sut www.linguissimo.ch ed inoltrar in ulteriur text en in’autra lingua naziunala che tracta d’ina aventura cun pliras linguas.
Las 30 meglras auturas e megliers auturs vegnan envidads a la fin d’emna dal final a Soloturn. Là inscuntran els auturas ed auturs da crimi svizzers e redigian en in tandem biling ina curta istorgia criminala.
Ils trais megliers teams gudognan in viadi communabel en ina metropola europeica ubain ad in’occurrenza culturala en Svizra. En pli datti da gudagnar 500 francs per la cassa da classa.
Ultim termin d’annunzia: ils 31 da schaner 2021
Ultim termin d’inoltrar las contribuziuns: ils 15 da favrer 2021
Ulteriuras infurmaziuns: www.linguissimo.ch
Commentaris