5. Oktober 2016

Gâteau de Vully

http://www.foodreporter.fr/plat/gâteau-du-vully/904667

Recept da la Svizera romanda

Ingredienzas per 2 grondas lastras
1 kg farina
½ l latg
30 g levon
2 ovs
100 g paintg
1 presa sal
cuvrida:
1 dl groma (sche pussaivel groma dubla)
1 mellen d’ov
100 g zutger granellus

Maschadar e crivlar la farina ed il sal. Dissolver il levon en 2 tschaduns gronds aua tievia. Luar il paintg.

Metter il levon liquid en ina gronda cuppa prestgaudada. Metter tiers ils ovs, il paintg tievi ed alura in pau a la giada ed alternantamain la farina crivlada ed il latg ch’è medemamain stgaudà levamain. Truschar la pasta 15 minutas. Ella duai daventar leva ed ariusa, quai vul dir furmar vaschias e betg pli tatgar vi dals mauns.

Zullar ora la pasta sin ina grossezza da 5 mm, reparter ella sin las duas lastras ch’èn unschidas cun paintg, cuvrir cun ina taila e la laschar levar en il chaud 2-3 uras.

Maschadar bain il mellen d’ov cun la groma. Stritgar quai sin la pasta e springir cun zutger granellus.

Coier 30 minutas en il furnel prestgaudà sin 210°. Servir tievi u fraid, dentant anc il medem di.