5. Oktober 2016
Aargauer Rüeblitorte
http://minhcakes.ch/2013/04/aargauer-rueblitorte-swiss-carrot-cake.html
Recept da la Svizra tudestga
Ingredienzas per ina furma da turta cun in diameter da ca. 24cm
300 g carottas crivas
300 g mandlas grattadas
4 ovs
200 g zutger
60 g farina
1 tschadun pitschen pulvra da levon
suc e paletscha d’ina mesa citrona
1 presa sal
paintg e farina per la furma
Stritgar ora la furma cun ina fina rasada da paintg culà, metter en in pau farina e la reparter sin il fund e las paraids cun pitgar levamain. Volver la furma e laschar crudar ora la farina ch’è danvanz.
Mundar e grattar las carottas, sgrattar giu la paletscha e smatgar or il suc da la citrona. Prestgaudar il furnel sin ca. 180° (ca. 10 minutas).
Truschar a stgima ils mellens d’ov ed il zutger. Alura maschadar cun il suc e la paletscha da la citrona, las carottas, las mandlas, la farina, il sal, la pulvra da levon ed ils alvs d’ov sbattids a naiv. Emplenir la massa en la furma e coier la turta a chalur mesauna (ca. 180°) 50-60 minutas.
Tenor plaschair po la turta sfradentada anc vegnir surtratga cun ina glasura da zutger; uschia na vegn la turta betg uschè svelt sitga ed ins la po conservar pli ditg. Truschar 150 g pulvra da zutger ed 1 tschadun pitschen suc da citrona e la stritgar immediat sin la turta.
Pitschnas carottas da marzipan na tutgan betg en il recept original vesan dentant ora decorativ.
Publicaziuns sumegliantas:
5. Oktober 2016
Tuorta da Nusch
Recept da la Svizra rumantscha
28. September 2016
Plain in pigna
http://www.dastrueffelschwein.ch/2013/10/16/plain-in-pigna/
Recept da la Svizra romancia
5. Oktober 2016
Omble Chevalier
http://www.helvetibox.ch/recette-omble-chevalier-a-genevoise/
Recept da la Svizra romanda
5. Oktober 2016
Bündner Gerstensuppe
http://www.nicis-kochblog.ch/p/gerstensuppe.html
Rezept aus der Deutschschweiz
Commentaris