{"id":4683,"date":"2016-12-01T10:08:29","date_gmt":"2016-12-01T09:08:29","guid":{"rendered":"https:\/\/forum-helveticum.ch\/rm\/2016\/12\/gemeindepartnerschaften\/"},"modified":"2016-12-01T11:04:08","modified_gmt":"2016-12-01T10:04:08","slug":"gemeindepartnerschaften","status":"publish","type":"post","link":"https:\/\/forum-helveticum.ch\/rm\/2016\/12\/gemeindepartnerschaften\/","title":{"rendered":"Partenadis da vischnancas"},"content":{"rendered":"
\r\n

Partenadis da vischnancas e citads \u00e8n vegnids iniziads avant passa 60 onns sin nivel europeic. L’idea primara \u00e8 stada da contribuir sin il stgalim communal a la reconciliaziun en l’Europa suenter ils eveniments terribels da la Segunda Guerra mundiala. Dapi lura datti er en Svizra regularmain novs partenadis, sin nivel naziunal ed internaziunal, principalmain per enritgir ils contacts culturals ed umans. Per part vegnan era resguardads interess economics, per part vegnan tgiradas las relaziuns en il rom dad activitads da padrinadi.<\/p>\r\n<\/div>\r\n

<\/p>\r\n

I dat vischnancas e citads che discurran pli gugent dad \u00abamicizias\u00bb che da \u00abpartenadis\u00bb. La fin finala dependi da las activitads che vegnan realisadas da las autoritads e da la populaziun. Ils dus \u00abpartenaris\u00bb u \u00abamis\u00bb decidan, schebain quellas duain avair lieu en il rom d’in partenadi stipul\u00e0 a moda uffiziala ubain esser l’expressiun d’ina relaziun amicala. In dals partenadis ils pli constants ed intensivs, e perfin cun in’atgna fundaziun, \u00e8 quel tranter las citads da Winterthur e da La Chaux-de-Fonds.<\/div>\r\n
\u00a0<\/div>\r\n
Dus patratgs principals dirigian ils partenadis da vischnancas da differentas regiuns linguisticas:<\/div>\r\n
    \r\n\t
  1. Ils partenadis promovan a moda simpla il contact intercultural: exempels concrets mussan che projects cuminaivels da vischnancas da differentas regiuns linguisticas pon esser ina via interessanta e savens fitg tgunscha per far punts a l’intern dal pajais e per promover l’uniun naziunala. Bleras giadas sa laschan concepir cun paucs meds occurrenzas variadas e captivantas. Bunas pussaivladads \u2013 che surpassan ils contacts tranter las autoritads uffizialas \u2013 porschan barats tranter uniuns da musica e da sport, barats da scola\u00a0sco era barats tranter artistas ed artists\u00a0e funcziunarias e funcziunaris.<\/li>\r\n\t
  2. Las activitads per promover la chapientscha sa restrenschan savens a gruppas specificas sco scolars, emprendists e persunas d’instrucziun ed excludan cun quai grondas parts da la populaziun. Ils partenadis da vischnanca sa drizzan a l’entira populaziun. Els han l’avantatg ch’ins po integrar tut tenor project gruppas eterogenas, gea schizunt tut ils abitants da las differentas vischnancas.<\/li>\r\n<\/ol>\r\n
    \u00a0<\/div>\r\n
    Persunas cumpetentas che han gia fatg experientschas cun partenadis van d’accord: la tema latenta ch’in partenadi construeschia barrieras linguisticas scumpara spert e na sa mussa mai sco in problem insuperabel. Ins communitgescha cun mintga lingua disponibla, era cun \u00bbmauns e pes\u00bb. In avantatg \u00e8 franc che bleras activitads han lieu sin in nivel nunverbal. Quai pussibilitescha inscunters spontans, p.ex. en il rom dad occurrenzas musicalas u sportivas.<\/div>\r\n
    \u00a0<\/div>\r\n
    Ils custs d’in partenadi dependan sa chapescha da la frequenza e da l’impurtanza dals projects realisads. Per ordinari n’\u00e8n els betg il problem. Pussaivladads da spargnar datti dapertut: per organisar visitas vicendaivlas pon ins p.ex. profitar da l’infrastructura communala u ch’ils giasts pernotteschan tar persunas privatas.
    \r\n
    ACTURS<\/h5>\r\n

    Quatter exempels per partenadis da vischnancas e citads<\/p>\r\n